1.         آپار منی بنده وور*زولفونده کمنده وور*اللی یئردن یارام وار* اسیرگمه سنده وور

2.         باغبان باغدان بار ایسته ر*هئوا ایستر نار ایسته ر* منیم بو خسته گوُییلوم* ال دگمه میش نار ایسته ر.

3.         بوردان اوزاق کوجووار*زلفون ایکی اوجو وار* ایکی کوُنول بیر اولسا*کیمین اونا گوجو وار.

4.         تبریز اُوستی مراغا* رولفون گلمیر داراغا* آختاریرام یاریمی* یوخ طاقتیم فراغا.

5.         تئلینده آبی داراق*یاریمی گوُردوم بایاق*قاچ یئترن مدیم*سیناسان بئله ایاق.

1.          ایل دولاندی گلدی یاز*بولبول ائلر گوله ناز*عقلیم باشیمدان آلدی* بوردان گئچن سرو ناز

2.         باشدا آغ شالی وار*ئورتوبدی آغ شالی وار*چیخیبدی یول اُوستینه*گوُر کیمه اوخشاری وار.

3.         باشیندا آغ شالی وار. ئورتوبدی آغ شالی وار. چیخیبدی یول اوستونه.گؤر کیمه اخشاری وار

4.         باشیندا شالین نه در*فکرین خیالین نه دیر* بوردان گلیپ گئچرسن* دئمیرسن حالین نه در*

5.         بو داغلار قوشا داغلار*چاتیب باش- باشا داغلار* نئجه سیز بیرآه چکه م*دوُنه سیز داشا داغلار.

6.          بو داغلارین باشینا*بلبول قونوب داشینا*ماهر اووچی دوز وورار*اوخی آتماز بوشونا.

7.         بو درد منی تنگ ائدر*باشا وورار دنگ ائدر* سئوگی آدام ئولدورمز* سارالدار بد رنگ ائدر.

8.         چاتیلیب باشیز داغلار* بیلینمیر یاشیز داغلار*هیجران سیزه ده دوشدی* آغاردی باشیز داغلار.

9.       

1.          ائولرینده وار کیلیم* لال اولسوم منیم دیلیم*گئدنده گوسدی گئتدی*گلسه نئجه دیندیریم.

2.         آچدیم_آچدیم گول اولدوم*بوی آتدیم سنبل اولدوم* بیر دیل بیلمز قوشودوم*اوخودوم بلبول اولدوم.

3.         آرازام کوره بندم*بولبولم گوله بندم*من گئدرگی قونام* بیر شیرین دیله بندم.

4.         آی دولاندی ایل آشدی* باغیم باغچام گول آشدی*یالواردیم دانیشمادی* کوسن کیمی دیل آشدی.

5.         باغچادا گولوم اولسون* اوسته بولبولوم اولسون* یا گوُیلونی آلماغا* باری بیر دیلیم اولسون.

6.          بو داغدا بار اولونجا* هئیوالار نار اولونجا* دیل آچار دلی گوُیلوم* سن منه یار اولونجا.

7.         بوداغدا توراج بانلار. اونون دیلین کیم آنلار. یاریمدان آییردیلار.قویمایین مسلمانلار.

8.         بیر دردیم وار کاغاذیم* سن ایله جار کاغاذیم*یئتنده یار یانیننا* دیل آچ یالوار کاغاذیم.

9.         چوللرده بستان اولدوم*دیللرده دستان اولدوم*طالعیم بد گتیردی*آشنادان دوستدان اولدوم.

10.       داغلار باتیبدی قارا* اووچی دوشیبدی دارا* دیل ایله دوست آولانین* قلبینی داردا آرا.

11.       دریا دولی لیل ایلن*یاریم اوینار گول ایلن*هامییا جان باغیشلار* منی ساخلار دیل ایله.

1

1.         اولدوز کیمی آخاندا* یاندیراندا،آخاندا* نه اولار بیر گوله سن* من اوزنه باخندا.

2.         ائولری کوندلن یار*منه گول گوُندرن یار*گولون پاییزا دونسون* مندن اوز دوُندرن یار

3.         آغ آلما آللانیبدی*آغاجدان ساللانیبدی* من سنه نه دئدیم یار* گول اوزون خاللانیبدی.

4.         آیا باخ اولدوزا باخ* دامدا یاتان قیزا باخ*قیزآللاهی سئویرسن* دُندر اوزون بیزه باخ.

5.         بستان اکدیم تاغ اوزده*آیران آلتدا یاغ اوسته*من سنه دیئدیم کی*من سنه نه دئدیم کی* تر گوُروندی آغ اوزده.

6.          بوداغدا آری اولماز*داغلارین باری اولماز*ایکی اوزلی عاشیقین*وفالی یاری اولماز.

7.         بوداغدا یوشان بیتر* آلتیندا دوُشان ایتر* من یاریما نه دئدیم آغ اُزونده دوردی تر.

8.         بولود یوخ باخ سمایا* اولدوز تک آخ سمایه* ذره جه اوزون گوُرسم* کافرم باخسام آیا.

9.         داغدان گلر سئل آخار. یارگول دره رگول تاخار. ایگیت اوز_اوزه گلسه. بیر بیرینه دیک باخار.

10.       داغلار باشی توتوندی*کیمین قلبی بوتین در* اگیل اُوزوندن ئوپوم، دنیا ئولیم ایتیمدی.

11.       داغلارین او اوزوندن*جیران اوتلار دوزونده* من یاریمی تانیرام* قوشا خال وار اوزونده.

12.       درد منده اوز گوُروبدی*میدانی دوز گوُ روبدی* گئدر-گئدر قاییدیر* منی یالقیز گوُ روبدی.

13

1.          اووچودا آمان اولور*الینده کمان اولور*اوخ آتما یار قلبینه، اوخ دگسه یامان اولور.

2.         اووچولار دوران یئرده*یای- اوخون قوران یئرده*گوُروم الین قوروسون*منه اوخ ووران یئرده.

3.         ایپک دستمال الیمده*سال یئریمی سرینده*بیر دسته گول اولایدیم*سئوگولومین آلینده.

4.         ایشینی آل اله سن*عمری وئرمه یئله سن*هر ایشده صبرلی اول*پیشمان اولار تله سن.

5.         آمان آمان الیندن*دوشور کمال الیندن*جانیم فغانا گلدی* آخر زمان الیندن.

6.          بو داغی آتیلایدیم*قول اولوب ساتیلایدیم*وفاسیز یار الیندن*ئولیدیم قورتولایدیم.

7.         بو گلن آه گتیرر*گاه توتار گاه گتیرر*الی یاردان اوزلن*کیمه پناه گتیرر.

8.         بیرقوشام قانادیم وار*ائیل-اوبادا آدیم وار*الینی اُوزمه مندن،قوهوم دان چون یادیم وار.

9.         چای آشاغی بوز گلیر*دسته-دسته قیزگلیر*بیر الینده شیش کباب*بیر الینده دوز گلیر.

10.       چای دربندی گئچیلمز*سو سربندی ایچیلمز*دئییرلر یاردان ال چک*یار شیریندی چکیلمز.